Kab Mob Coronavirus | Public Health Madison & Dane County, Public Health Madison & Dane County

Public Health Offices Closed to Public posted Wednesday, Mar. 18, 2020 – 5:30 pm To protect health of staff and clients

Kab Mob Coronavirus

Kho dua tshiab 4/8/2020 thaum 8:30am sawv ntxov.

Muaj ib qhov kab mob coronavirus (COVID-19) tshiab uas twb kis mus ntau tshaj rau 100 lub teb chaws lawm. Tus Tswv Xeev (Governor) Evers tau hais qhauj tawm tias qhov no yog ib qho Kab Mob Sib Kis Kub Tes Kub Taw Loj Rau Cov Pej Xeem Sawv Daws (Public Health Emergency) nyob rau hauv Wisconsin thaum lub Peb Hlis tim 12, Xyoo 2020.

Mus xyuas qhov CDC website yog xav paub ntxiv txog COVID-19 seb yog dab tsi.

Lub Nroog Dane County Kab Mob Coronavirus Daim Duab Loj Muaj Li Cas (Dane County Coronavirus Snapshot)

Raws li lub Plaub Hlis Ntuj tim 8 thaum 8:30am sawv ntxov, nws muaj 305 tus neeg uas kuaj tau paub tseeb (tested positive) tias muaj tus kab mob coronavirus nyob hauv lub nroog Dane County.

Thaum koj tawm koj lub tsev, xav tias koj yij yuav mus ze rau tus kab mob COVID-19. Nyob twj ywm hauv tsev es koj thiaj li txo tau qhov ntxim koj yuav kis tau tus kab mob kom tsis txhob nce siab ua rau koj muaj mob taus, thiab koj thiaj li pab txo qhov ua rau lwm cov neeg kom tsis txhob muaj mob tib yam. Tas nrho cov pej xeem sawv daws yuav tsum kuaj lawv tus kheej txog tej yam mob tshwm sim (kub taub hau, hnoos, txog siav, mob caj pas) thiab cais lawv tus kheej ntawm lwm cov neeg kom sai li sai tau thaum lawv muaj tej yam mob tshwm sim li cov no. Peb daim ntawv qhia tseeb (fact sheet) muaj lwm cov ntsiab lus qhia ntxiv.

Koj yij rawm mus tau rau nraum zoov yog tias koj ib leeg los yog nrog koj lub khaub khuas tsev neeg xwb. Nco ntsoov ua qhov nyob kom koj deb ntawm lwm tus neeg (social distancing) yog thaum koj pom lwm cov neeg. Ces mus caij luv thij, coj aub mus taug kev, thiab mus ua siv nram qab tsib taug los tau—tsuav nco ntsoov ua kom txhob kis kab mob noj qab nyob zoo xwb!

Thaum lub Peb Hlis tim 27, Xyoo 2020, Lub Nroog Dane County Tus Thawj Coj (Executive) Parisi thiab Lub Zos Madison Tus Thawj Coj (Mayor) Rhodes-Conway tau hais tso xov xwm tawm (news release) lees paub tias peb lub zej zog kuj tau mus txog rau ib theem tseem ceeb (critical point) ntawm peb qhov kev pab thiv thaiv tus kab mob COVID-19 lawm peb kuj yuav raug ntau yam kev nyuab vim muaj qhov pom tau tias muaj kev sib kis raws zos lawm (community spread). Nkawv ob leeg yij hais pom zoo kom cov pej xeem sawv daws pib ua li qhov ua tau txo lawv cov kev tawm rooj mus los (travel) thiab kev sib tiv tauj ua ub no ua ke (interaction). Saib lwm cov xov xwm tso tawm ua ntej (past news releases) ntawm peb qhov nplooj ntawv cov xov xwm (news page).

Yog xav paub txog lub xeev daim duab loj seb kab mob muaj li caws (statewide picture), xyuas Wisconsin Lub Hoob Kas Saib Xyuas Kev Noj Qab Haus Huv (Wisconsin Department of Health Services) nplooj ntawv qhia txog cov kab mob kawj (outbreaks page).

Qhov Hais Yuam Kom Nyob Twj Ywm Hauv Tsev Zoo Dua (Safer at Home Order)

Thaum lub Peb Hlis tim 24, Xyoo 2020, lub xeev qhov Hais Yuam Kom Nyob Twj Ywm Hauv Tsev Zoo Dua Ntaub Ntawv (Safer at Home Order) kuj tau muab tso tawm (issued) uas txwv tsis pub muaj txhua cov kev mus los tsis tseem ceeb (nonessential travel) (tej yam pub mus los ua tau muab txhais qhia tseeb nyob hauv qhov hais yuam kom ua (order)). Qhov hais yuam kom ua yuav muab siv mus kom txog rau lub Plaub Hlis tim 24, Xyoo 2020. Saib qhov ntaub ntawv xov xwm tso tawm (press release) thiab Cov Ntsiab Lus Nug Tsis So Nplooj Ntawv (Frequently Asked Questions) yog xav paub ntxiv.

Yog tias koj tsis paub tseeb seb koj qhov lag laum puas muab thwm tias tseem ceeb (essential), thov mus xyuas Wisconsin Lub Koom Haum Pab Tsim Kev Lag Luam Hauj Lwm (Wisconsin Economic Development Corporation).

Thaum lub Peb Hlis tim 25, Xyoo 2020, peb tau tso tawm qhov ntaub ntawv hais kom ua (order) kom ua raws li Qhov Hais Yuam Kom Nyob Twj Ywm Hauv Tsev Zoo Dua (Safer at Home order). Raws li qhov peb hais kom ua (order), peb ua qhia tias peb pom zoo txhawb qhov Nyob Twj Ywm Hauv Tsev Zoo Dua (Safer at Home) thiab cov kev khoo saib xyuas ntawm cov tub ceev xwm hauv zej zog (local enforcement responsibilities).

Luam tawm saib peb daim ntawv 101 qhia Nyob Twj Ywm Hauv Tsev Zoo Dua (Safer at Home 101 flyer)

Peb tab tom qhia cov lag laum sawv daws txog qhov hais yuam kom ua (order) thiab kev khoo saib xyuas ntawm cov tub ceev xwm (law enforcement) uas yuav pab khoo saib xyuas (enforcing) qhov hais yuam kom ua raws li toob kas. Lub hom phiaj ntawm qhov hais yuam kom ua (order) no tsis yog tsim kom rau txim rau sawv daws tab sis yog pab kom txhua leej txhua tus noj qab nyob zoo tsis muaj mob thaum nyob rau lub sij hawm muaj tus kab mob sib kis thoob ntiaj teb no (pandemic).

Yuav kom pom tas nrho txhua yam hais yuam kom ua (orders) los ntawm tus Tswv Xeev (Governor) Evers thiab Wisconsin Lub Hoob Kas Saib Xyuas Kev Noj Qab Haus Huv (Wisconsin Department of Health Services), nkag mus saib tus Tswv Xeev Cov Ntaub Ntawv Tseem Ceeb Hais Yuam Kom Ua nplooj ntawv webpage (Governor's Executive Orders webpage).

Cov Pom Zoo Kom Ua (Recommendations)

Nyeem peb cov pom zoo kom ua thiab cob qhia (recommendations and guidance ) kom thiaj li paub ua tau zoo tsis muaj teeb meem thiab tsis muaj mob (safe and healthy). Peb nplooj ntawv FAQ (FAQ page) muaj ntaub ntawv qhia ntxiv txog cov ntsiab lus nug heev txog kev kuaj (testing), thiab cov kev pab muaj. Cov neeg yuav tsum:

Nyob hauv tsev kom ntau li ntau tau. Qhov no pes tias tsis txhob tawm koj lub tsev yog tsis toob kas tseem ceeb tiag tiag.

Thaum koj tawm koj lub tsev, xav tias koj yij yuav mus ze rau tus kab mob COVID-19. Nyob twj ywm hauv tsev es koj thiaj li txo tau qhov ntxim koj yuav kis tau tus kab mob kom tsis txhob nce siab ua rau koj muaj mob taus, thiab koj thiaj li pab txo qhov ua rau lwm cov neeg kom tsis txhob muaj mob tib yam.
Koj yij rawm mus tau rau nraum zoov yog tias koj ib leeg los yog nrog koj lub khaub khuas tsev neeg xwb. Nco qab ntsoov ua qhov nyob koj deb ntawm lwm tus neeg (social distancing) yog thaum koj pom lwm cov neeg. Ces mus caij luv thij, coj aub mus taug kev, thiab mus ua siv nram qab tsib taug los tau—tsuav nco ntsoov ua kom txhob kis kab mob noj qab nyob zoo xwb!

Ua tas ua dua txhua yam txhua hnub kev tiv thaiv pab tau zoo (prevention measures). Ntxuav koj ob txhais tes tsis so thiab npog koj lub qhov ncauj thaum txham thiab hnoos siv ib daim ntawv tshuab ntswg los yog koj lub luj tshib caj npab.

Saib xyuas tej yam mob tshwm sim (symptoms). Tas nrho cov pej xeem sawv daws yuav tsum kuaj lawv tus kheej txog tej yam mob tshwm sim (kub taub hau, hnoos, txog siav, mob caj pas) thiab cais lawv tus kheej ntawm lwm cov neeg kom sai li sai tau thaum lawv muaj tej yam mob tshwm sim li cov no. Peb daim ntawv qhia tseeb (fact sheet) muaj lwm cov ntaub ntawv qhia ntxiv.